CAKES BY SHEHA: പഠനത്തോടൊപ്പം ഒരു ഓൺലൈൻ കേക്ക് സ്റ്റോർ നടത്തുന്ന സംരംഭക.

Cakes by sheha a success story in Malayalam.

മൂവാറ്റുപുഴയിലെ പട്ടിമറ്റം സ്വദേശിനിയായ ഷെഹ ഫാത്തിമ, പഠനത്തോടൊപ്പം കേക്ക് ബേക്കിംഗിനോടുള്ള തന്റെ ഇഷ്ടം ഒരു വിജയകരമായ Online Cake Store ആക്കി മാറ്റിയ കഥയാണ് ഈ ലക്കം Big Brain Magazine നിങ്ങൾക്കായി അവതരിപ്പിക്കുന്നത്. ഹയർ സെക്കൻഡറി പഠനത്തോടൊപ്പം തന്നെ, വിവിധ പരിപാടികൾക്കായി കസ്റ്റമൈസ്ഡ് കേക്കുകൾ ഉണ്ടാക്കി Cakes by Sneha എന്ന ബ്രാൻഡിലൂടെ  ചെറിയ വരുമാനം നേടുകയാണ് ഈ യുവ സംരംഭക.

എട്ടാം ക്ലാസുകാരിയുടെ യൂട്യൂബ് പരീക്ഷണം ഷെഹയുടെ കേക്ക് മാജിക്.

എട്ടാം ക്ലാസ്സിൽ പഠിക്കുമ്പോഴാണ് ഷെഹക്ക് ബേക്കിംഗിൽ താൽപര്യം തോന്നിയത്. കോവിഡ് മഹാമാരിക്കാലത്ത് യൂട്യൂബ് ട്യൂട്ടോറിയലുകൾ കണ്ട് അവൾ സ്വയം കേക്ക് ഉണ്ടാക്കാൻ പഠിക്കാൻ തുടങ്ങി. തുടക്കത്തിൽ ബേക്കിംഗ് ക്ലാസ്സുകൾക്ക് വിടാൻ മടിച്ച വീട്ടുകാർക്ക് മുന്നിൽ ഷെഹ ആദ്യമായി ഉണ്ടാക്കിയ കേക്ക് ഏറെ മനോഹരമായി വിജയിച്ചപ്പോൾ, അവർക്ക് അത്ഭുതമായി. അതോടെ മാതാപിതാക്കളുടെ പൂർണ്ണ പിന്തുണ ലഭിച്ചു. ആ പിന്തുണയാണ് ഷെഹയ്ക്ക് കൂടുതൽ ആത്മവിശ്വാസം നൽകിയത്. ഓരോ പുതിയ കേക്കും പരീക്ഷണങ്ങളിലൂടെ കൂടുതൽ മികച്ചതാക്കാൻ അവൾ സമയം ചിലവഴിച്ചു. കുടുംബാംഗങ്ങൾക്കും സുഹൃത്തുകൾക്കും വേണ്ടി തയ്യാറാക്കിയ കേക്കുകൾക്ക് മികച്ച പ്രതികരണം ലഭിച്ചതോടെ, ബേക്കിംഗ് ഒരു ഹോബിയിൽ നിന്ന് സംരംഭകത്വത്തിലേക്കുള്ള യാത്രയായി മാറുകയായിരുന്നു.

വിദ്യാർത്ഥികൾക്ക് പ്രചോദനമായി ഒരു കൊച്ചു സംരംഭക.

കഴിഞ്ഞ മൂന്ന് വർഷമായി ഷെഹ പഠനവും ബേക്കിംഗും ഒരുമിച്ച് കൊണ്ടുപോകുന്നു. ഈ സംരംഭത്തിൽ നിന്ന് ലഭിക്കുന്ന വരുമാനം സ്വന്തം ആവശ്യങ്ങൾക്കും, മാതാപിതാക്കൾക്ക് ചെറിയ സമ്മാനങ്ങൾ വാങ്ങാനും അവൾ ഉപയോഗിക്കുന്നു. ഇന്ന്, Cakes by Sneha എന്ന തന്റെ ബ്രാൻഡിലൂടെ, ഇഷ്ടവും കഠിനാധ്വാനവും ഒരുമിച്ച് മുന്നോട്ട് കൊണ്ടുപോകാൻ കഴിയുമെന്ന് ഈ യുവതി തെളിയിക്കുന്നു. ഓരോ ഓർഡറിനെയും അതിയായ ശ്രദ്ധയോടെയും സൃഷ്ടിപരമായ സമീപനത്തോടെയും കൈകാര്യം ചെയ്യുന്നതാണ് ഷെഹയുടെ പ്രത്യേകത. പ്രായത്തെക്കാൾ വലിയ സ്വപ്നങ്ങളുമായി മുന്നേറുന്ന ഈ യുവ സംരംഭകയുടെ യാത്ര നിരവധി കുട്ടികൾക്കും വിദ്യാർത്ഥികൾക്കും പ്രചോദനമാകുകയാണ്.

CAKES BY SHEHA | A young entrepreneur in Muvattupuzha who runs an online cake store while studying.

Sheha Fathima, who turned her love for cake baking into a successful online cake store along with her studies. This young entrepreneur earns a small income by making customized cakes for various events while also pursuing her higher secondary studies. What started as a simple curiosity during her school days has now grown into a promising venture driven by creativity and consistency. Through her brand Cakes by Sneha, Sheha is proving that passion, when supported by dedication and family encouragement, can blossom into a meaningful entrepreneurial journey at a very young age. 

References

https://www.instagram.com/p/C8Gl0rCyZ86/?hl=en

Name: SHEHA FATHIMA

Contact: 9526500972

Social Media: https://www.instagram.com/sheha_cakes___/?hl=en