AASH BAKE HOUSE & EVENTZ: അടുക്കളയിൽ തുടങ്ങി ഈവെന്റ് ഡെക്കറേഷൻ വരെ വളർന്ന ഓൺലൈൻ കേക്ക് സ്റ്റോർ!

പെരുമ്പാവൂർ കൂവപ്പടി സ്വദേശിനിയായ ആശ ശരത്, സ്വന്തം വീടിന്റെ അടുക്കളയിൽ നിന്ന് തുടങ്ങി Aash Bakehouse and Eventz എന്ന വിജയകരമായ സംരംഭം കെട്ടിപ്പടുത്ത കഥയാണ് ഈ ലക്കം Big Brain Magazine നിങ്ങൾക്കായി അവതരിപ്പിക്കുന്നത്. കഴിഞ്ഞ നാല് വർഷമായി, കസ്റ്റമൈസ്ഡ് കേക്കുകൾ, പിസ്സ, മഫിനുകൾ, മറ്റ് ഡെസേർട്ടുകൾ എന്നിവ നൽകി ഉപഭോക്താക്കളെ സന്തോഷിപ്പിക്കുന്ന ഈ സംരംഭം, ഇന്ന് ഇവന്റ് ഡെക്കറേഷൻ രംഗത്തേക്കും വളർന്നു. യൂട്യൂബ് ട്യൂട്ടോറിയലുകളിലൂടെ സ്വയം പഠിച്ച് മുന്നോട്ട് വന്ന ഈ Online Cake Store സ്ഥാപക, ഏകദേശം ആയിരത്തോളം കേക്കുകൾ ഉണ്ടാക്കിയിട്ടുണ്ട്.

ഒരു പ്രതിസന്ധി, ഒരു വഴിത്തിരിവ്

 ഒരു മൈക്രോഫിനാൻസ് സ്ഥാപനത്തിൽ ജോലി ചെയ്തിരുന്ന ആശക്ക് രണ്ടാമത്തെ കുഞ്ഞിന്റെ ജനനത്തോടെ ജോലി ഉപേക്ഷിക്കേണ്ടി വന്നു. സ്വന്തം വരുമാനം നിലച്ചതോടെ സാമ്പത്തിക ഉത്തരവാദിത്തം മുഴുവൻ ഭർത്താവിൽ മാത്രമായി. കുടുംബത്തെ സഹായിക്കുന്നതിനായി വീട്ടിലിരുന്ന് ചെയ്യാൻ കഴിയുന്ന ഒരു വഴി തേടുന്നതിനിടെയാണ് ആശ ബേക്കിംഗിലേക്ക് തിരിഞ്ഞത്. ആദ്യ ശ്രമങ്ങൾ പരാജയപ്പെട്ടെങ്കിലും, സ്ഥിര പരിശ്രമം ഫലം കണ്ടു. കേക്കുകൾ മെച്ചപ്പെട്ടപ്പോൾ അയൽവാസികളോട് ഓർഡറുകൾ സ്വീകരിക്കുമെന്ന് അറിയിച്ചു. അങ്ങനെ ആദ്യത്തെ ഓർഡർ ലഭിച്ചു—അതായിരുന്നു അവളുടെ ബിസിനസ്സ് യാത്രയുടെ തുടക്കം.

ലോക്ക്ഡൗൺ നൽകിയ വളർച്ച

വാട്ട്‌സ്ആപ്പിലൂടെയും ഇൻസ്റ്റാഗ്രാമിലൂടെയും ഓർഡറുകൾ പതിവായി ലഭിക്കാൻ തുടങ്ങി. കോവിഡ്-19 ലോക്ക്ഡൗൺ സമയത്ത് ആളുകൾ പ്രാദേശികമായി കേക്കുകൾ വാങ്ങാൻ ഇഷ്ടപ്പെട്ടതോടെ ആവശ്യം വർദ്ധിച്ചു, അതോടെ ആശയുടെ സംരംഭം കൂടുതൽ ശ്രദ്ധ നേടി. ഭർത്താവിന്റെ പൂർണ്ണ പിന്തുണയോടെ കുടുംബസമ്പാദ്യവും കുടുംബശ്രീ ലോണും ഉപയോഗിച്ച് ആശ ഇവന്റ് ഡെക്കറേഷനിലേക്കും ബിസിനസ്സ് വികസിപ്പിച്ചു.

ബേക്കിംഗ്, ഇവന്റ്സ്, അധ്യാപനം

ഇന്ന് ബേക്കിംഗും ഇവന്റ് സർവീസുകളും ആശ വിജയകരമായി കൈകാര്യം ചെയ്യുന്നു. വനിതാ ശിശു വികസന വകുപ്പിന് കീഴിലുള്ള തേജോമയ ആഫ്റ്റർകെയർ ഹോമിൽ ബേക്കിംഗ് ക്ലാസുകൾ എടുക്കാൻ പോലും അവർക്ക് അവസരം ലഭിച്ചു. ലാഭം കുറവാണെങ്കിലും, സ്വന്തമായി ബിസിനസ്സ് നടത്താൻ കഴിയുന്നതിലുള്ള സന്തോഷവും ആത്മവിശ്വാസവുമാണ് ഈ യാത്രയെ ആശക്ക് അങ്ങേയറ്റം സംതൃപ്തി നൽകുന്നത്.

BAKE HOUSE & EVENTZ An online cake store that grew from a kitchen to event decoration!

This issue of Big Brain Magazine presents the story of Aash Sharath, a native of Koovappadi, Perumbavoor, who started her successful business from the kitchen of her own home and built Aash Bakehouse and Eventz. For the past four years, this business has been delighting customers with customized cakes, pizza, muffins, and other desserts, and today it has expanded into the event decoration field. The founder of this online cake store, who taught herself through YouTube tutorials, has made about a thousand cakes.

References

https://www.instagram.com/p/C51RZRLvvCa/?hl=en

Name: ASHA SHARATH

Social Media: https://www.instagram.com/aash_bake_house_and_eventz/?hl=en